Surat Seorang Petani

Surat saurang petani di Tamban gasan anaknya nang ada dipanjara di Banjarmasin karna kasus kriminal.

Isi suratnya :
''Amat.. Abahmu ini sudah tuha, wayahini lagi musim tanam jagung, sadangkan ikam ada dipanjara, jadi kada ada lagi nang mambantu abah mancanggul kabun jagung ini''

Amat mambalas :
''Abah... Tulung abah jangan cangkul kabun nitu, karna ulun ada nanam sanjata disana''

Rupanya surat itu disensor ulih pihak tahanan. Dan kaisukannya imbah abahnya Amat manarima surat balasan dari Amat, datang 30 tantara dari Banjarmasin.

Tantara itu langsung manuju kabun dan mancangkul saharian tanah kabun tarsabut. Pas tantara itu bulikan, abahnya Amat manulis surat lagi gasan Amat.

Isinya :
''Amat... Imbah abah tarima surat dari ikam, tiba-tiba datang 30 tantara mancari sanjata dikabun kita, tapi kada ada manamukan sanjata. Jadi apa nang abah lakukan sakarang..??''

Amat pun mambalas :
''Sakarang abah mulai lah tanam jagung, kan sudah dicangkul ulih tantara, dan jangan kada ingat ucapkan tarima kasih lawan tantara-tantara itu''

Pihak tahanan nang manyensor surat ini pun langsung pingsan.

Sumber: www.faceboook.com/#!/profile.php?id=100000637034135